www.Cavab-al.com

Suallarınıza mərcei-təqlidlərin dəftərxanalarından cavab alınır!

Risalələr
Şəri sual göndər
Ümumi sual göndər
Sual: Nafilə namazında rəkətlərin sayında yox, namazın başqa yerində (məsələn, bir səcdə, yaxud iki səcdə yerinə yetirmədə) şəkk edilsə, şəkkə etina olunmalıdırmı?
Cavab: Salam. Ayətullah Xamenei-dəftərxana: Şəkkin hökmləri baxımından – istər namazın sözlərində, istərsə də hərəkətlərində – vacib və nafilə namazları arasında fərq yoxdur. Yəni, əgər yeri keçməyibsə, şəkkə etina olunmalı, əks təqdirdə etina olunmamalıdır.

Allahdan uğurlar diləyirik!
Sual: Əgər küfr ölkəsində İslam dininə iman gətirən qadınlar öz ailələri və cəmiyyətlərinin qorxusundan İslama imanlarını aşkar edə bilmirlərsə, onların islam ölkəsinə mühacirət etmələri vacibdirmi?
Cavab: Salam. Ayətullah Xamenei-dəftərxana: Əgər islam ölkəsinə mühacirət etmək onlar üçün böyük çətinlik yaradarsa, vacib deyildir. Amma namaz, oruc və başqa vacib əməlləri bacardıqları qədər yerinə yetirmələri vacibdir.

Allahdan uğurlar diləyirik!
Sual: Əgər bir şəxs xüms ili çatmazdan qabaq öz qazancından müəyyən məbləği borc vеrərsə və xüms ilindən bir nеçə ay keçdikdən sonra borcunu gеri alarsa, bu məbləğin hökmü nədir?
Cavab: Salam. Ayətullah Xamenei-dəftərxana: Borc vеrdiyi şəxsdən pulunu geri aldıqdan sonra borcun xümsünü vеrmək vacibdir.

Allahdan uğurlar diləyirik!
Sual: Saç düzümündə qərb modellərini yamsılamağın hökmü nədir?
Cavab: Salam. Ayətullah Xamenei-dəftərxana: Bu kimi məsələlərdə “haramlıq” meyarı, islam düşmənlərinə oxşamaq və onların mədəniyyətini yaymaqdır. Bu məsələ isə, ölkələrə, dövrlərə və şəxslərə görə dəyişir, həmçinin təkcə qərb ölkələrinə xas deyildir.

Allahdan uğurlar diləyirik!
Sual: Bir şəxs hər həftənin 6 gününü 80 km səfər edir. Səhər işə gedir, axşam evinə gəlir. Mükəlləf bu işi nə qədər davam etdirmək qəsdində olmalıdır kİ. kəsirus səfər sayılsın?
Cavab: Salam. Ayətullah Vəhid-dəftərxana: Əgər bir şəxs həftədə 4 gün səfərdə olursa və bu işi ən azı 3 ay davam edirsə "kəsirus-səfər" hesab olunur.

Allahdan uğurlar diləyirik!
Sual: Salam 15-20 ilə ipoteka ile alınan evə xumus düşür?
Cavab: Salam. Ayətullah Sistani-dəftərxana: Əgər istifadə olunursa xümus düşmür.

Allahdan uğurlar diləyirik!
Sual: Salam. Mehriyyəni verməyə imkanım çatmırsa nə etməliyəm? 2.Mehriyyə birinci ödenilməldir yoxsa başqa borclarım?
Cavab: Salam. Ayətullah Sistani-dəftərxana:

1.Əgər hansısa malınızı satmaqla verə bilirsinizsə bunu etməlisiniz.

2.Hansı tələb edirsə və təxirə salınması da olmursa onu ilk ödəməlisiniz.

Allahdan uğurlar diləyirik!

Sual: Salam. Bir qız bakireliyini itirir. Lakin etdiyi işin sehv olduğunu, günah olduğunu anlayır və tövbe edir, həqiqətən peşman olur. Bu adam tibbi yolla bakirəliyini bərpa etdirib ərə gedə bilərmi?
Cavab: Salam. Ayətullah Sistani-dəftərxana: Özünü bakirə olmaya-olmaya bakirə kimi təqdim etmək icazəli deyil. Bakirəliyin bərpası isə əgər digər haram işlərin baş verməsinə gətirib çıxarmırsa (məsələn övrətə baxmaq) icazəlidir.

Allahdan uğurlar diləyirik!
Sual: Bir nəfərin əlinin rütubəti bədənimə keçdi. Sonra anladım ki, kafir imiş. Bu halda qıldığım namazların hökmü nədir?
Cavab: Salam. Ayətullah Sistani-dəftərxana: Təzələməyə ehtiyac yoxdur.

Allahdan uğurlar diləyirik!
Sual: Salam əleykum. 1. Qüsul əvəzinə etdiyim təyəmmümdən sonra dəstəmaz almaq lazımdırmı? 2. İcazəsi alınmadan götürülən qumla təyəmmüm etmək batildirmi? 3. Yaş quma təyəmmüm etməyin maneəsi yoxdurki?
Cavab: Salam. Ayətullah Sistani-dəftərxana:

1.Xeyr.

2.Təyəmmüm olunan şey qəsbi (oğurluq) olmamalıdır.

3.Xeyr.

Allahdan uğurlar diləyirik!
Sual: Salam. Şəhəvani yuxudan sonra ayıldım, paltarımda heç bir maye olmasa da istibra zamanı məniyə bənzər maye xaric oldu. Qüsul vacibdirmi?
Cavab: Salam. Ayətullah Sistani-dəftərxana: Əgər sıçrayış, bədənin süstləşməsi və şəhvət olmayıbsa qüsul vacib olmaz.

Allahdan uğurlar diləyirik!

Sual: Ər-arvadın arxadan yaxınlıq etməyinin şəri cəhətdən maneəsi varmı?
Cavab: Salam. Ayətullah Məkarim-dəftərxana: Qadınla arxadan yaxınlıq etmək onun razılığı əsasında olmalıdır. Razılığın olacağı təqdirdə belə bəyənilməyən əməllərdəndir. Bu işin tibbi və cinsi fəsadları da inkar olunmazdır.

Allahdan uğurlar diləyirik!
Sual: Salam. Kiprikde tuş olan halda dəstamaz alıb namaz qılmaq olarmı?
Cavab: Salam. Ayətullah Sistani-dəftərxana: Əgər suyun bədənə çatmasına mane olursa, dəstəmazdan öncə aradan aparılmalıdır.

Allahdan uğurlar diləyirik!
Sual: Salam. Mənim borcum var, əldə etdiyim məvacib də bizi ödəmir. Mənə xüms vacibdirmi?
Cavab: Salam. Ayətullah Sistani-dəftərxana: İllik xərclərinizin artığının xümsünü vermək vacibdir.

Allahdan uğurlar diləyirik!
Sual: Salam. Qızıl dişlə namaz qılmaq olarmı? Ümumiyyətlə qızıl dişin hökmü nədir?
Cavab: Salam. Ayətullah Sistani-dəftərxana: Namazınız düzgündür, lakin ön dişlərinizin qızıldan olması əgər zinət hesab olunursa ehtiyat-vacibə əsasən haramdır.

Allahdan uğurlar diləyirik!
Sual: Salam. Namazda "Allahu əkbər" zikrini dediyimiz zaman əllərimizi mütləq qulağımıza qədər qaldırmalıyıqmı?
Cavab: Salam. Ayətullah Xamenei-dəftərxana: Bu iş vacib yox, müstəhəbdir.

Allahdan uğurlar diləyirik!
Sual: Nərd oynamaq olar?
Cavab: Salam. Ayətullah Xamenei-dəftərxana: Qumar aləti kimi hesab olunursa icazəli deyil.

Allahdan uğurlar diləyirik!
Sual: salam, ziyanverici həşəratları öldürmək günahdırmı?
Cavab: Salam. Ayətullah Sistani-dəftərxana: Maneəsi yoxdur.

Allahdan uğurlar diləyirik!
Sual: Salam, göyərçin əti halaldırmı? Başı kəsici alətləmi kəsilməlidir?
Cavab: Salam. Ayətullah Xamenei-dəftərxana: Halaldır və kəsici alətlə kəsilməlidir.

Allahdan uğurlar diləyirik!
Sual: Salam.Bakirə qızın atası və babası yoxdursa,təkcə onun razılığı ilə mütə etmək olar?
Cavab: Salam. Ayətullah Sistani-dəftərxana: Bakirə qızın əqdində ata və ata babasının icazəsi şərtdir.

Allahdan uğurlar diləyirik!
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı