www.Cavab-al.com

Suallarınıza mərcei-təqlidlərin dəftərxanalarından cavab alınır! Cavab E-maila da göndərilir!

Risalələr
Şəri sual göndər
Ümumi sual göndər
Sual: Salam. Sheri vezifemi bilmek isteyirem,aileliyem ,yoldasimla ayri yasayiram,anam bir muddetlik bize geldi qaldi sonra bizimle yashamaga basladi,indi yoldasim menide usaqlarida goturub xarici olkeye yasamaqa getmek isteyir,,amma anami aparmir,mende getsem anami apara bilmesem anam tek qalacaq qeyd edimki menden basqa heckimi yoxdur,tekdir,evide yoxdu kiraye qaliriq bir yerde tek ovladda menem,amma getmesemde yoldasim tek gedecek ve menden uz donderecek,anaminda xasiyeti qelizdi basa dusmez meni,mende yoldasiml getmek isteyirem amma insafim hem Allahdan qorxum yol vermir anami qoyub getmek menim indi vezifem nedir?men ne etmeliyem?yoldasimla getsem anam qalsa anam uz donderecek ama getmesem yoldasim uz donderecek men ne edim?dini cehetden ne etmeliyem
Cavab: Salam. Ayətullah Sistani-dəftərxana:

Qadının vəzifəsi həyat yoldaşına tabe olmaqdır. Əgər qadın həyat yoldaşı və anasını razı salıb, anasını özü ilə apara bilərsə bunu etməlidir. Həmçinin qadın anası üçün xidmətçi tuta bilərsə, imkan daxilində bu işi də görə bilər.

Əgər bu işləridən heç birini edə bilmirsə və heç vəchlə ortaq məxrəcə gələ bilmirlərsə, xanımın boynuna anasıyla bağlı bir vəzifə gəlmir.

Təsəkkürlər.
Sual: Ailə həyatı quranda tərəflərin fikri ciddidirsə kişi qadının bədən üzvlərinə hansı həddə kimi görə bilər?
Cavab: Salam. Ayətullah Xamenei-dəftərxana: Qadınla ciddi qəsdlə evlənmək istəyən şəxs onun barədə məlumat əldə etmək üçün üz, əl və saçlarına ləzzət qəsdi olmadan baxa bilər. Kişi bunu o vaxt edə bilər ki, bu barədə məlumatlı olmasın və qadının evliliyə narazı olacağını bilməsin.

Allahdan uğurlar diləyirik!
Sual: Salam. Bir qadın 15 ildir ərindən ayrıdır. Bunların dini nigahı pozlur yoxsa əqdi kişi pozmalıdır?
Cavab: Salam. Ayətullah Xamenei-dəftərxana: Xeyr, əqd pozulmur.

Allahdan uğurlar diləyirik!
Sual: Salam. Mübarək ramazan ayının qəza orucunu tutan şəxs bilərəkden orucu batil edərsə həmin oruca kəffarə düşürm?
Cavab: Salam. Ayətullah Vəhid-dəftərxana: Zöhr azanından öncə orucunu aça bilər, lakin zöhr azanından sonra orucunu batil edərsə kəffarə də vacib olacaq. 10 kasıba 1 müd təam (750 qram arpa, buğda və.s.) verməlidir. Buna imkanı çatmasa 3 gün oruc tutmalıdır.

Allahdan uğurlar diləyirik!
Sual: Rükuda "subhanə rəbbiyyəl əzimi" əvəzinə "əla" deyib caşıram. Yeniden düzəldib deyirəm. Bu düzdür? Belə olanda səhv səcdəsi gərəkirmi?
Cavab: Salam. Ayətullah Sistani-dəftərxana: Düzdür və səhv səcdəsinə ehtiyac yoxdur.

Allahdan uğurlar diləyirik!
Sual: Salam aleykum hansi musiqiler haramdi ve halaldi??
Cavab: Salam. Ayətullah Sistani-dəftərxana: Allahı insana unutduran, fəsad məclislərinə uyğun olan musiqilər haramdır.

Allahdan uğurlar diləyirik!
Sual: Salam.Qadın və kişi öz aralarında,yəni şahid olmadan siğe edə bilərlərmi? Siğə duası necədir?
Cavab: Salam. Ayətullah Sistani-dəftərxana: Bəli, şahidsiz kəbini oxumaq olar. Qaydası isə belədir:



Əgər kişi və qadın özləri qeyri-daimi əqdinin siğəsini oxumaq istəsələr, müddət və mehriyyəni təyin edəndən sonra, qadın desin:

زَوَّجْتُكَ نَفْسِى فِى الْمُدَّةِ الْمَعْلُومَةِ عَلَى الْمَهْرِ الْمَعْلُومِ

«Zəvvəctukə nəfsi fil-muddətil-mə`luməti ələl-məhril-mə`lum». Ondan sonra etina ediləcək fasilə olmadan kişi desin:

قَبِلْتُ

«Qəbiltu» əqd səhihdir. Əgər başqasını vəkil etsələr, əvvəl qadının vəkili, kişinin vəkilinə desin:

زَوَّجْتُ لِمُوَكِّلَتِى مُوَكِّلَكَ فِى المُدَّةِ المَعلُومَةِ عَلَى المَهرِ المَعلُومِ

«Zəvvəctu muvəkkiləti muvəkkiləkə fil-muddətil-mə`luməti ələl-məhril-mə`lum».

Sonra fasiləsiz kişinin vəkili desin:

قَبِلْتُ التَّزْوِيجَ لِمُوَكِّلِى هَكَذَا

«Qəbiltut-təzvicə limuvəkkili hakəza» əqd səhih olar.



Allahdan uğurlar diləyirik!
Sual: Salam. Bilə bilə özündən sperma xaric etmək günahmıdır?
Cavab: Salam. Ayətullah Sistani-dəftərxana: Bəli.

Allahdan uğurlar diləyirik!
Sual: Salamlar bir xanım var 4 ildir ayrılmağına baxmayaraq, dövlət nigahyla kəbini mücdehid nümayəndəsinə müraciət edərək bu yaxında geri oxunbsa iddə məsələsi gözlənilməlidi?
Cavab: Salam. Ayətullah Sistani-dəftərxana: Bəli, təlaqdan sonra iddə mütləq gözlənilməlidir.

Allahdan uğurlar diləyirik!
Sual: Salam. Səfərdə olduğum müddət bütöv qılınası namazımı 2 rükət 2 rükət qılmalıyammı, yoxsa elə 2 rükət qılsam kifayət edir?
Cavab: Salam. Ayətullah Sistani-dəftərxana: 2 rükət qılmağınız kifayət edir.

Allahdan uğurlar diləyirik!
Sual: Əgər bir nəfər mənim yanımda tanımadığım adamın adını çəkərək onun söhbətini edirsə qeybət sayılırmı?
Cavab: Salam. Ayətullah Sistani-dəftərxana: Bu hal qeybət hesab olunmasa da, əgər kiminsə haqqının dapdanmasına səbəb olursa icazəli deyil.

Allahdan uğurlar diləyirik!
Sual: Salam. Qadın həkiminin qadının bədəninə baxmasının halal olduğu yerlərini epilyasiya etməsi günahdırmı?
Cavab: Salam. Ayətullah Xamenei-dəftərxana: Özü-özlüyündə maneəsi yoxdur.

Allahdan uğurlar diləyirik!
Sual: Salam. Cənabət qüsulu almamışdan öncə yaxşı yuyunub sonra qusul ala bilərəmmi yoxsa qusul alıb sonra yaxşı yuyunmaq lazımdır?
Cavab: Salam. Ayətullah Sistani-dəftərxana: Fərdi yoxdur.

Allahdan uğurlar diləyirik!
Sual: Salam dənizə gedib çimmək və ya oturmaq haramdır ?
Cavab: Salam. Ayətullah Sistani-dəftərxana: Dənizə getmək özü-özlüyündə icazəlidir, lakin fəsad və günaha səbəb olmamalıdır.

Allahdan uğurlar diləyirik!
Sual: Hicab vacibdirmi?
Cavab: Salam. Ayətullah Behcət-dəftərxana: Bəli.

Allahda uğurlar diləyirik!
Sual: Salam. Gecə namazını 2 rükət qılmaq olar? Məsələn sadəcə 2 rükət şəf namazı qılınsın?
Cavab: Salam. Ayətullah Xamenei-dəftərxana: Gecə namazı müstəhəb əməldir. Dediyiniz formada qıla bilərsiniz, lakin gecə namazının savabını kamil formada əldə etmək üçün namazı kamil formada yerinə yetirməlisiz.

Allahda uğurlar diləyirik!
Sual: Salam. Mənim birinci evliliyim 5 il 4ay öncə bitib,amma təlaq geri oxunmadığına görə kəbin kəsdirmek üçün 3ay gözləmək vacibdirmi?
Cavab: Salam. Ayətullah Sistani-dəftərxana: Təlaq oxunduqdan sonra iddəni gözləmək vacibdir.

Allahda uğurlar diləyirik!
Sual: Salam. Hansı qadınlar kişiyə məhərmdir?
Cavab: Salam. Ayətullah Xamenei-dəftərxana: Ana (onun anası və daha yuxarı), qızı (nəvəsi və daha aşağı), bacı, bacı qızı (və nəvələri), qardaş qızı (və nəvələri), bibi (ata-anasının bibisi), xala (ata-anasının xalası).

Evlilik səbəbi ilə qaynana (və anası), ogəy qız (və nəvələr), ogəy ana, gəlin.

Həmçinin süd verməklə də məhrəmiyyət yaşanır.

Allahdan uğurlar diləyirik!
Sual: Salam.Kişinin ağ qızıl icazəlidir? Ağ qızılda haram sayılır?
Cavab: Salam. Ayətullah Xamenei-dəftərxana: Əgər ağ qızıldan məqsəd sadəcə rəngi dəyişilmiş sarı qızıldırsa icazəli deyil. Lakin əgər tərkibi dəyişibsə kişinin istifadəsi icazəlidir.

Allahdan uğurlar diləyirik!
Sual: Çarəsizlik üzundən cinsiyyəti dəyismək alarmı? Cinsyyətin dəyisdirilməsi hansı sərtlər əsasında olmalıdır? Cinsiyyətin dəyismis səxs istər kisi olsun istərsə qadın evlənə bilər?
Cavab: Salam. Ayətullah Sistani-dəftərxana: Əgər cinsiyyəti dəyişmək dedikdə cərrahiyyə əməliyyatı ilə kişinin cinsiyyət orqanını kəsib onun yerinə (qadına aid) süni sidik kanalı və cinsiyyət orqanı qoymaq və hormon vurmaqla onda qadınlıq əlamətlərini (məsələn, bədənin tüklərinin tökülməsi və sinələrin böyüməsi) yaratmağı nəzərdə tutursunuzsa və yaxud cinsiyyətini dəyişmək istəyən qadına süni kişi cinsi orqanı qoymaq və hormon vurmaqla onda kişilik əlamətlərini (məsələn, sinələrin kiçikləşməsi və üzdə tüklərin çıxması) yaratmağı nəzərdə tutursunuzsa, bu iş həqiqətən cinsiyyəti dəyişmir və həmin insanın şəriət hökmləri dəyişmir. Digər tərəfdən bu əməliyyat cinsi orqanın başqası tərəfindən görünməsi və ləms edilməsi ilə müşayiət olunduğundan icazəli deyil.

Amma kişi və qadını fərqləndirən daxili və xarici cinsi orqanlarının (tamamilə) dəyişməsini nəzərdə tutursunuzsa, bu əməliyyatın öz-özlüyündə (haram olması mümkün olan işlərə göz yumsaq) eybi yoxdur. Lakin indiyə qədər belə bir iş xaricdə öz əksini tapmamışdır. İndiyə qədər həyata keçirilən əməliyyatların hamısı zahiri dəyişmədir ki, hökmlərin dəyişməsində heç bir təsiri yoxdur.

Söz yox ki, cinsiyyət orqanlarının (sisteminin) fəaliyyəti anormal olan insanlarda misal üçün, zahiri görünüşü qadın olan, amma daxili qadın cinsiyyət orqanına (sisteminə) malik olmayan kişidə gizlənmiş kişi cinsiyyət orqanını cərrahiyyə əməliyyatı ilə üzə çıxarmaq və ya əksinə, zahiri kişi cinsiyyət orqanını, daxili qadın cinsiyyət sisteminə malik olan qadından götürmək haqqında bunu demək mümkündür ki, bu əməliyyatın öz-özlüyündə eybi yoxdur və onun cinsiyyətin dəyişdirilməsi ilə heç bir əlaqəsi yoxdur. Təbii ki, haram baxış və ləmslə müşayiət olunsa, yalnız zərurətin bunu tələb etdiyi təqdirdə, həmçinin onu etməməyin kəskin məşəqqətə və çətinliyə səbəb olacağı halda halaldır.

Allahdan uğurlar diləyirik!
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı