www.Cavab-al.com

Suallarınıza mərcei-təqlidlərin dəftərxanalarından cavab alınır! Cavab E-maila da göndərilir!

Risalələr
Şəri sual göndər
Ümumi sual göndər
Sual: Döymə (tattoo) günahdırmı?
Cavab: Salam. Ayətullah Xamenei-dəftərxana: Özü-özlüyündə harahm deyil, lakin qüsul və dəstəmaz suyunun bədənə çatmasına mane olmamalıdır.

Allahdan uğurlar diləyirik!
Sual: Salam. Üzü təraş etmək haramdır?
Cavab: Salam. Ayətullah Sistani-dəftərxana: Üzü saqqal deyilməyək qədər həddə qırxmaq icazəli deyil.

Allahdan uğurlar diləyirik!
Sual: Salam, axar suda yulan hər hansı parçanı sıxıb təkrar yumaq lazımdır, yoxsa bir dəfə yumaq kifayətdir?
Cavab: Salam. Ayətullah Xamenei-dəftərxana: Əgər nəcasətin eyni yoxdursa pak hesab olunur və ikinci dəfə yumağa ehtiyac yoxdur.

Allahdan uğurlar diləyirik!
Sual: Evli kişi subay qızla siğə edə bilərmi?
Cavab: Salam. Ayətullah Xamenei-dəftərxana: Ehtiyat-vacibə əsasən, subay (bakirə) qızla müvəqqəti və ya daimi əqd üçün atasının icazəsi şərtdir.

Allahdan uğurlar diləyirik!
Sual: Bir neçə dəfə zina etmiş qadınla siğə etmək olarmı?
Cavab: Salam. Ayətullah Sistani-dəftərxana: Əgər qadın xalq içində zinaya məşhur deyilsə maneəsi yoxdur. Əgər bu adla məşhurdursa ehtiyact-vacibə əsasən o tövbə etməmişdən öncə onunla evlənmək olmaz.

Allahdan uğurlar diləyirik!
Sual: Əgər oruc tutmuş şəxsin damağından çoxlu qan axsa, orucu batil olurmu?
Cavab: Salam. Ayətullah Xamenei-dəftərxana: Əgər damaqdan axan qanı udmazsa, oruc batil olmur.

Allahdan uğurlr diləyirik!
Sual: Əgər bir şəxs vəfat etsə, onun orucunun kəffarəsini kim verməlidir? Onun kəffarəsini vermək onun oğullarına və qızlarına vacibdirmi, yoxsa başqa şəxs də onu verə bilər?
Cavab: Salam. Ayətullah Xamenei-dəftərxana: Ataya vacib olan kəffarə əgər seçim edə bilmək şəklində olarsa, yəni onun həm oruc tutmağa və həm də yoxsula təam verməyə qüdrəti çatırdısa, bu təqdirdə əgər kəffarəni irsdən götürmək mümkündürsə, irsdən götürülür. Əks təqdirdə, ehtiyata görə orucu tutmaq böyük oğula vacibdir.

Allahdan uğurlr diləyirik!
Sual: Əgər bir şəxs gələn ilin Ramazan ayı çatanadək bu ilin Ramazan ayının orucunun qəzasını tutmalı olduğunu bilməyib, orucun qəzasını tutmasa və təxirə salsa, hökmü nədir?
Cavab: Salam. Ayətullah Xamenei-dəftərxana: Mükəlləf bu məsələni (yəni gələn ilin Ramazan ayı çatanadək bu ilin Ramazan ayının orusunun qəzasını tutmalı olduğunu) bilmədiyinə görə qəza orucunun “təxir fidyəsi” onun boynundan götürülmür.

Allahdan uğurlr diləyirik!
Sual: Əgər mən boynumda olan qəza oruclarını tutub-tutmadığıma şəkk etsəm, vəzifəm nədir?
Cavab: Salam. Ayətullah Xamenei-dəftərxana: Əgər boynunuzda qəza orucunun olduğuna ilk əvvəldə yəqinliyiniz var idisə, vəzifənizi yerinə yetirdiyinizə əmin olana qədər qəza orucu tutmağınız vacibdir.

Allahdan uğurlar diləyirik!
Sual: Fitrə zəkatını hədiyyə ünvanında abırlı və müstəhəq qohumlara vermək olarmı?
Cavab: Salam. Ayətullah Xamenei-dəftərxana: Hədiyyə ünvanında verilə bilər və bunun fitrə zəkatı olduğunu ona demək lazım deyildir. Amma niyyətdə fitrə zəkatı olduğunu tutmaq lazımdır.

Allahdan uğurlr diləyirik!
Sual: İsrailin istehsal etdiyi məhsulları idxal etmək və bazara çıxarmaq olarmı? Əgər bu iş əlacsızlıq üzündən görülərsə, bu məhsulları satmaq olarmı?
Cavab: Salam. Ayətullah Xamenei-dəftərxana: İslamın və müsəlmanların düşməni hesab olunan sionizm rejiminin xeyrinə olan ticarətlərdən çəkinmək gərəkdir. Heç kimə icazə verilmir ki, onların istehsal və satışından gəlir əldə etdikləri məhsulları bazara çıxarsın. İslama və müsəlmanlara olan ziyan və təhlükələrinə görə, müsəlmanların bu məhsulları almasına icazə verilmir.

Allahdan uğurlr diləyirik!
Sual: Əgər qonaq öz fitrəsini versə, ev sahibinin öhdəsindən götürülürmü?
Cavab: Salam. Ayətullah Xamenei-dəftərxana: Qonaq ev sahibinin çörək yeyəni sayıldığı təqdirdə əgər o, ev sahibinin icazəsi ilə və onun tərəfindən öz fitrəsini versə, ev sahibinin öhdəsindən götürülür.

Allahdan uğurlr diləyirik!
Sual: Əgər mükəlləf fitrəni kənara qoysa, onu istifadə edib sonra onun yerinə başqa mal qoya bilərmi?
Cavab: Salam. Ayətullah Xamenei-dəftərxana: Xeyr, kənara qoyduğu malı fitrə olaraq verməlidir.

Allahdan uğurlr diləyirik!
Sual: Fitrə zəkatını verməyi unutmuşam. Bunun hökmü nədir?
Cavab: Salam. Ayətullah Xamenei-dəftərxana: Əgər fitrə zəkatı verməmisinizsə, fitrə sizin öhdənizdən götürülmür. Əda və ya qəza niyyəti etmədən onu ayırmağınız və verməyiniz vacibdir.

Allahdan uğurlr diləyirik!
Sual: Namazda gözləri yummağa icazə verilirmi, bu əsasla ki, gözlərin açıq olması insanın fikrini namazdan yayındırır?
Cavab: Salam. Ayətullah Xamenei-dəftərxana: Namazda rükudan qeyri halda gözləri yummaq məkruhdur.

Allahdan uğurlr diləyirik!
Sual: Mən müəyyən məbləğ pulu girov ünvanında verib bir ev kirayələmişəm. Bir il keçdikdən sonra bu pula xüms düşürmü?
Cavab: Salam. Ayətullah Xamenei-dəftərxana: İcarə verənə borc verdiyiniz pul əgər ilin gəlirindən olarsa, xümsü vardır.

Allahdan uğurlr diləyirik!
Sual: Qeyri-qumar alətləri ilə oyun oynayanda pul və ya başqa bir şeylə mərcləşmək olarmı?
Cavab: Salam. Ayətullah Xamenei-dəftərxana: Oyunda mərcləşməyə icazə verilmir, baxmayaraq ki, oyun qeyri-qumar alətləri ilə oynanılır.

Allahdan uğurlr diləyirik!
Sual: Qeyri-islami ölkələrdən idxal edilən ətləri yemək halaldırmı? Təharət və nəcasət baxımından belə ətlərin hökmü nədir?
Cavab: Salam. Ayətullah Xamenei-dəftərxana: Belə ətlərin şəri qaydada kəsildiyi dəqiqləşməzsə, onları yemək haramdır. Amma təharət baxımından, əgər belə ətlərin şəri qaydada kəsilmədiyinə yəqinlik olmazsa, pakdır.

Allahdan uğurlr diləyirik!
Sual: İşa namazı qılmaq istəyən şəxs məğrib namazı qılan şəxsə iqtida edə bilərmi?
Cavab: Salam. Ayətullah Xamenei-dəftərxana: Maneəsi yoxdur.

Allahdan uğurlr diləyirik!
Sual: Təyəmmümün qaydası necədir? Dəstəmaz əvəzinə təyəmmüm ilə qüsl əvəzinə təyəmmüm arasında fərq varmı?
Cavab: Salam. Ayətullah Xamenei-dəftərxana: Təyəmmümün qaydası belədir: Əvvəlcə niyyət etmək lazımdır. Sonra hər iki əlin içini üzərinə təyəmmüm etməyin düzgün olduğu şeyə vurursan və hər iki əlin içini bütün alına və alnın hər iki tərəfinə – saçların çıxdığı yerdən – qaşlara və burnun üstünə qədər çəkirsən. Daha sonra sol əlin içini sağ əlin üstünə və sağ əlin içini sol əlin üstünə tamamilə çəkirsən. Ehtiyat-vacibə görə, yenidən əllərin içini yerə vurursan və sol əlin içini sağ əlin üstünə və sağ əlin içini sol əlin üstünə çəkirsən. Bu tərtib, dəstəmaz əvəzinə təyəmmüm və qüsl əvəzinə təyəmmümdə eynidir.

Allahdan uğurlr diləyirik!
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı