www.Cavab-al.com

Suallarınıza mərcei-təqlidlərin dəftərxanalarından cavab alınır! Cavab E-maila da göndərilir!

Risalələr
Şəri sual göndər
Ümumi sual göndər
Sual: Sualı ünvanladı Müslim: Əssalamu əleykum. "Şəri hakim" yalnız vəliyyi-fəqih və onun nümayəndəsidir? Başqa bir müctəhid "şəri hakim" hesab oluna bilərmi? Məsələn, Ayətullah Sistani İngiltərədə fitr bayramı haqda hökm verirsə, Rəhbərə təqlid edənlər bunu şəri hakim qismində qəbul edə bilərlərmi?
Cavab: Salam. Ayətullah Xamenei-dəftərxana: Fitr bayramını siz öz mərcei-təqlidinizin göstərişinə əsasən qeyd edin. Məsələn Ayətullah Sistaniyə təqlid edirsinizsə onun İngiltərədəki nümayəndəsi nə desə ona əməl etməlisniz. Siz təqlid etdiyiniz müctehid sizin üçün şəri-hakim sayılır. Şəri hakim yalnız vəliyi-fəqih deyil.
Sual: Sualı ünvanladı Tale: Salam Demisizki men özume selofan ya parça qoyun bes mene demezler sen ki$isen Qadin kimi parça ya selofan qoyur olmazki hecne qoymayim cunki tekce alt paltarima deyir bedenime yox xaiw edirem açiq yazin ba$qa sey olmaz?
Cavab: Salam. Ayətullah Vəhid-dəftərxana: Siz özünüzə selofan və ya parçanı namaz qılarkən qoyun. Küçə-bacada yox.

Siz çöldən evə qaytdıqda sidikli paltarları çıxarın və özünüzə bir parça qoyun. Sonra təmiz paltar geyib namazı qılın. Sidikli bədəni yumaq lazım deyil-əgər suyun sizə zərəri varsa. Biz deyirik ki, namaz üstə sidik yayılmasın təmiz paltara. Küçə-bacada yox.

Anlaşılmasa təkrar sual ünvanlayın.
Sual: Sualı ünvanladı SELEFY: Bismilleh!assalamu aleykum. IMAMIVIZ OLAN XOMEYNININ RISALESINDE DESTEMAZ BOLMESINDE EVVEL DEYILIR KI,ALININ SUYU ILE BAWA CEKILEN MEHSIN SUYU QARIWSA DESTEMAZ BATIL OLUR,LAKIN AYAGLARA MEHS CEKENDE ELDE SU AZ OLSA SAQQAL,UZ VE YA QOLLARDAN GOTURMEK OLAR.... ARAWDIRIN OZUVUZ GORECEYSIZ DOGRU DEDIYIMI... YANI KI,AGACANIVIZ EVVELDE DEDIKLERIN SONA YAXI INKAR EDIR!! BUDURMU IMAM CEFERI SADIQ(r.a)-NUN YOLUU???
Cavab: Salam. İmam Cəfəri Sadiqin yolu budur, amma sizin məlumatınız azdır. Yəni elminiz azdır deyə oxuyub səhv nəticə çıxarırsız.

Məsələ isə belədir: İmam Xomeyni buyurur ki, əldə məsh suyu ola-ola başa məsh edəndə alndakı su ilə başdakı su bir-birinə qatışa onda belə məsh batil olar. Çünki məsh olunan yer əldə olan məsh suyu ilə məsh olunmalıdır. Təkcə alnda olan su yox, istənilən bir su əldə olan məsh suyuna qatışsa və qatışıq su ilə məsh olunsa həmin məsh düzgün deyil və batildir.

Amma əgər əldəki məsh suyu (isti havadan) qurusa və insan istəsə, ayağa məsh etsin onda digər dəstəmaz üzvlərində olan dəstəmzın suyundan götürüb ayağını məsh edə bilər. Bu hökm eynən başa məsh etməyə də şamildir. Yəni başa məsh etmək istəsəz və əlinizdəki su qurusa siz dəstəmaz əzalarında olan dəstəmaz suyundan götürüb başa da məsh edə bilərsiz. Amma siz bu hökmün başa məsh etməyə də şamil olduğunu bilmirsiz deyə-belə yanlış düşünürsüz.

Bundan əlavə sizin sualda qiyas var. Yəni siz deyirsiz ki, baş belədirsə ayaq da belə olmalıdır-olmursa onda səhvdir. Bu onun üçündür ki, sizin fiqhdə qiyas var. Amma bizim fiqhdə qiyas yoxdur-və qiyas batildir. Məsəslən qiyasla hökm vermək nəyə bənzər: Kişi dörd qadınla ailə qura bilərsə onda qiyas etməklə qadın da dörd kişiyə ərə gedə bilər. Sizin sualınızda da buna oxşarlıq var. Yəni deyrisiz başa məshdə belədirsə onda ayaqada məshdə belə olmalıdır. Amma ayaq ilə baş ayrı-ayrı şeylərdir. Hərçənd ki, məsh suyunun quruması ilə su götürmək məsələsi qiyasla yox, başqa dəlillərlə bizdə elə bir formadadır ki, siz heç qiyas etməklə də irad edə bilmirsiniz. Budur İmam Sadiqin (s) məktəbi və İmam Xomeyninin hökmü. Bundan əlavə xahiş edirik ki, burada tanıtdırdığımı alimlərə aid sual ünvanlayın ki, biz dəftərxanalardan cavab ala bilək.
Sual: Sualı ünvanladı hamide: Namaz qilmayan insan momin sayilirmi?O,ALLAHA yaxinditmi?
Cavab: Salam. Xeyir mömin sayılmır-Allaha yaxın olsa, Allah buyurana əməl edər.
Sual: Sualı ünvanladı Zahid: salamun aleykum Allah sizden razi olsum minnetdaram xahis ederdim Sistani aganin fetvasina uygun sualimi cavablandirasiz insallah.Faizli kreditle mal almaq 3 cu sexsin istiraki ile olar meselen men magazadan 15000 manata masin almaq isteyirem bank hemin masini mene alir ama evezinde menden 17000 manat pul alir men de onu hisse hise odeyirem.yeni faizle.xatirladim ki bank islam banki deyl riba ile isleyen bankdir.bu is dogrudur?xahis ederdim sualimi tez cavablandirasiz Allah rizasina
Cavab: Salam. Ayətullah Sistani-dəftərxana: Əgər Bank maşını alıb sizə verirsə və bunun əvəzində pulu artıq alırsa-onda maşını götürə bilərsiz. Bank İslam Bankı olmasa belə, işğalı yoxdur.

Sual: Sualı ünvanladı Kerem: Salamaleykum.Namazda zikr niyyetile deyilen sozler musteheb sozlerdir?
Cavab: Salam. Sual qaranlıqdır-hansı söz? Qeyd edin!
Sual: Sualı ünvanladı (ad yazılmayıb): men niye sualima cavab ala bilmedim
Cavab: Salam. Cavabların içinə diqqətlə baxın. Bizə gələn bütün sualları cavablandırırıq.
Sual: Sualı ünvanladı Altun: Salam. 1) Uzum murebbesi yemek caizdi?2) Kvas icmek caizdi (qazlashdirilmish ve terkibinde spirt olmadigi gosterilen kvas... Ne qeder spirt olmadigi gosterilsede ele bir tam gelir... ve bir de ki corek qijqirir ve spirt yaradirsa onun suyu necis olmurmu)? 3) Namaz vaxti daxil olur amma men marshurutda oluramsa ve eve catmagima 25 deqiqe qalirsa hemin muddetde gozlemeyim daha yaxshidi ya destemazli oldugum halda fikren namaz qilmagim...? ... Cavablari Ayetullah Vahid Xorasaninin defterxanasindan cavablamaginizi xahish edirem ... Sag olun..
Cavab: Salam. Ayətullah Vəhidin dəftərxanası: Əgər üzümü bişirəndə onun üçdə ikisi gedərsə (buxarlanarsa) yerdə qalan üçdə biri pakdır. Əks halda pak sayılmır.

Kvasın tərkibində spirt olmazsa və haram şeylərdən (donuz piyi kimi) nəzə ona qatılmazsa içilməsi caizdir.

Uyğun spirt kefləndiricidirsə onda nəcis sayılır.

Namazı gedib evə çatın və evdə qılın.
Sual: Sualı ünvanladı Nesib: Salam menim atam uzumu lezva ile qirxmaqimi deyirdi men ise ona bu isde itaet etmemisem Bilmek isteyirem men gunah etmisem?yoxsa duz elemisem?
Cavab: Salam. Ayətullah Xamenei-dəftərxana: Nəinki günah iş görməyibsiz, bəlkə bunun əksinə savab iş görübsüz.
Sual: Sualı ünvanladı Zaur: Əssalamu əleykum və rəhmətullah. "Əcvibətul-istiftaat"ın 840-cı məsələsinə istinadən (orjinalda) Norveç, İngiltərə kimi qərbi Avropa ölkələrində yaşayan müsəlmanlar vəliyyi-fəqihin hökmünə əsasən Ramazan ayının başlanğıc və sonuna qərar verə bilərmi? Cüməniz mübarək, bu gün cümə namazında sizləri dua etdik, siz də bizləri dua edin.
Cavab: Salam. Ayətullah Xamenei-dəftərxana: Xeyir verə bilməz-çünki oranın başqa üfüqü var!
Sual: Sualı ünvanladı Elmar: Salam.Evveller sual veren shexsin sualiinin cavabinda kime teqlid etdiyi de qeyd olunurdu ve belecede bizler oxuyaraq bezi cavablarimizi bu yolla tapirdiq.Indi ise shexsin kime teqlid edildiyi qeyd olunmur ve cavabi oxuyub bilmirik ki bu cavab hansi muctehidin defterxanasinin cavabidir
Cavab: Salam. İradınızı ardan qaldırdıq. Bu vaxta kimi verilən cavabları da tədricən islah edib-hansı müctehidin dəftərxanası tərəfindən cavablandırldığını qeyd edəcəyik. Diqqətinizə görə təşəkkür edirik!
Sual: Sualı ünvanladı Mahmud: Salam.Maizdiruselmanlarin 31 dekabr yeni ili qeyd etmesi caizdir?caiz deyilse sebeblerin etrafli sekilde yazin.
Cavab: Salam. Ayətullah Xamenei-dəftərxana: Yeni ili qeyd etmək caizdir...
Sual: Sualı ünvanladı Ummu Esma: asSelamu aleykum!iSlamda qaw almagin hokmu nedir??haramdi yoxsa halaldi???bezi hedisler varki orda qaw alanlara ve aldiranlara Allahin leneti oxunur,bu cur hedisler ne derecede sehihdi??ve iSlamda qara reng mekruhdumu??
Cavab: Salam. Ayətuyllah Xamenei-Dəftərxana: Qaş almaq zinət hesablanarsa onda bu iş yalnız məhrəmin qarşısında ola bilər. Yəni alınmış qaş zinət olduqda onunla naməhrəm qarşısına çıxmaq olmaz. Həmin hədislərin sənədlərini bizə yazsaz biz araşdırma aparıb sizə cavab yazarıq. Amma belə cavab üçün çox vaxt lazım olacaq. Belə olduqda siz bir müddət sonra cavab əldə edə biləcəksiniz.
Sual: Sualı ünvanladı Fidan: Salam.bilmek isdeyirem qadin dinde nece defe ere grde biler.bir qadinin heyatinda nece kisi ola biler.ve dul qadin evlemeye qoymurlar o ne edmeli?
Cavab: Salam. Subay qadın həmişə ərə gedə bilər. İnşallah bir nəfərlə yola gedib-xoşbəxt olar. Evlənməyə imkanı olmayanlara Qurani-kərim buyurur ki, səbr etsinlər.
Sual: Sualı ünvanladı Nərgiz: Salam. Möhür olan evde möhursuz namaz qilan sexsin namazi batildi?
Cavab: Salam. Ayətullah Vəhid-dəftərxana: Möhür olan evdə siz möhür ola-ola elə bir şeyə səcdə etsəz ki, ona səcdə etmək olar-onda bir işğalı yoxdur. Əks halda namaz batildir.
Sual: Sualı ünvanladı Taleh: Bir daha salam istibra neye deyirsiz bilmirem ama sidikden sonra yuyunmuram. isti sudan istifade etsem de yene hemin $ey. Sidiye gedirem sidiyden sonra azca sidik xaric oldugunu hiss edirem meselen: Berkden gülende bu proses 15 20 deqiqe davam edir sonra duzelirem yeni sidik xaric olmur.xais edirem tez cavab verin Allah size yar olsun!
Cavab: Salam. Ayətullah Vəhidin dəftərxanası: Əgər siz özünüzü saxlaya bilmirsizsə onda özünüzə hər hansı bir şeyi (selofan, parça) qoymaqla elə edin ki, sidik bədəninizin pak yerlərinə yayılmasın. Hər namaz qılanda bir dəstəmaz alın və namazı həmin dəstəmazla qılın. Zöhr və əsr namazlarına və şam ilə xüftən namazlarına bir dəstəmaz alın, yəni bu namazları ardba-ard (yəni az fasilə ilə) bir dəstəmazla da qıla bilərsiz.

Dəstəmaz üçün olan suyun da zərəri varsa təyəmüm etmək olar.

Sayt tərəfindən: Qaranlıq qalan yer olsa təkrar sual göndərin.
Sual: Sualı ünvanladı Emin: Salam.Demeli men 12 ilin qezasini tutmaliyam?yeni 1 il?
Cavab: Salam. Ayətullah Xamenei-dəftərxana: Bəli!



Sayt tərəfinfən: Bu suala cavab əvvəllərdə olan bir sualla müəyyənləşib.
Sual: Sualı ünvanladı Elmar: Salam.Bilirem ki yaqis ve ya qar suyundan umumiyyetle bash yas ola-ola destamaz almaq olmaz bash qurudulandan sonra destamaz alinmalidir.Bes bir kes camaat namazina ve ya namazin qezaya getmemesi ucun telesik gelmis,terlemisdir ve terden basi yashlanmisdir bu zaman hemin kes ne etmelidir?basin qurutsa camaat namazina geciser ve ya namaz qezaya geder
Cavab: Salam. Ayətullah Xamenei-dəftərxana: Məs yeri quru olmalıdır. Əgər yaş olarsa, onda ümumi meyar budur ki, məs çəkən zaman əlinizdə olan dəstəmaz suyu-başınızda olan yağış suyuna və ya tərə qalib gəlsin.
Sual: Sualı ünvanladı Mahmud: Salam.Destamazdan aldiqdan sonra elim sidiye ve ya necise deyerse destamaz batildi?
Cavab: Salam. Ayətullah Xamenei-dəftərxana: Xeyir-batil deyil!
Sual: Sayt tərəfindən. Salam hörmətli oxucular. Cüməyə (tətil gününə) yaxınlaşdığımız üçün, bugün müctehidlərin dəftərxanalarından bəzisi həmişəkindən biraz tez tətil olur. Bunun üçün sualların hamısını cavablandıra bilmədik. Üzrlü sayn. İnşallah cümədən sonra, mümkün olan ən tez vaxtda cavablarınızı sizə təqdim edəcəyik. Sualların arasında bizə yazılan təşəkkürlərə görə biz də öz növbəmizdə sizə təşəkkürümüzü bildiririk. Biz öz vəzifəmizə əməl etməyə çalışırıq. Allah sizlərdən razı olsun!
Cavab: Cüməniz mübarək olsun. Cümə namazlarında, yadınıza düşsə, bizlərə də dua etmənizi rica edirik. Təşəkkür!
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı