www.Cavab-al.com

Suallarınıza mərcei-təqlidlərin dəftərxanalarından cavab alınır! Cavab E-maila da göndərilir!

Risalələr
Şəri sual göndər
Ümumi sual göndər
Sual: Sualı ünvanladı Qorxmaz: SALAM men tovbe etdim amma 2 defe 3 defe pozmusam bu gunahdir?ve yeniden tov be ede bilerem
Cavab: Salam. Sizin günah edəndən sonra yenidən tövbə etməniz çox yaxşı işdir. Bu sizin Allaha olan imanınızdan xəbər verir. İnsan tövbə etdikdən sonra öz tövbəsini pozarsa yenidən tevbə etsin. Hətta misal üçün 100 dəfə günah edib tövbə qılsa belə yenə də günaha yol verilsə tövbə etmək lazımdır. Allah tövbə edənləri sevir.
Sual: Sualı ünvanladı Adsız: Salam Eleykum,Quranla istixare nece edilir
Cavab: Salam: Quranla istixarə etmək çox çətin işdir. Bunun üçün ayələrin zahirindən əlavə onların batinin və ayələr barəsindəki rəvayətlərlə yanaşı tarixdən də məlumatlı olmaq lazımdır.
Sual: Sualı ünvanladı Aytən: AsSelamu aleykum. deqiq cavab almag isterdim ki,GUNORTA NAMAZLARI NIE ASTADAN QILINIR??
Cavab: Salam. Bu barədə dəqiq bir məlumat yoxdur.

Namaz qılmaq üçün 2 hal var:

1- Yavaş qılmaq

2- Uca səslə qılmaq

Şəriət hər bir namaza iki variantdan birini əmr etməklə hərc-mərcliyin qarşısını almış olub.
Sual: Sualı ünvanladı Men. Salam Eleykum,resm chekmek ve heykeltarashliq günahdir?shekil cheken aparatla da chekmek günahdir?gelincik düzeltmek heykel düzeltmek hesab olunur?
Cavab: Salam. Sadaladığınız işlərin heç bir eybi yoxdur.
Sual: Sualı ünvanladı Adsız: Salam Eleykum,vefat etmish müctehidin teqlidinde qalmaq olar?
Cavab: Salam: Vəfat etmiş müctehidə təqlid etməyin heç bir eybi yoxdur. İstisnadır həyatda olan müctehid vəfat etmiş müctehiddən ələm (üstün) olsun. Belə olduqda təqlidi vəfat etmiş müctehiddən diri müctehidə dəyişmək lazımdır.

Sualı ünvanlayarkən adınızı qeyd etməyi unutmayın.
Sual: Sualı ünvanladı Fatimə: Salam Eleykum,secde ayesin oxuyub,secde edende hicabli olmaq vacibdir?
Cavab: Salam. Xeyr, vacib deyil.
Sual: Sualı ünvanladı Adsız: Salam Eleykum,qalstuk taxmaq qerb adetlerin teqlid etmek sayilir?günahdir? Hicabli qadin az miqdarda makiaj ede biler? ALLAH razi olsun.
Cavab: Salam. Bəli, qalstuk taxmaq möminə yaraşmayan bir işdir və mömin insan bundan çəkinməlidir. Çünki, qalstuk taxmaq islam düşmənləri və kafirlərin adətidir.

Naməhrəm qarşısında qətiyən makiaj etmək olmaz.

Sual göndərərkən adınızı qeyd etməyi unutmayın.

Sual: Sualı ünvanladı (adsız): İstibra nədir və necə etməli
Cavab: Salam. İstibra üç yeri üç dəfə sıxmaqdır. Bu üç yerin birincisi, alətin altında olan damar, ikincisi alətin özü, üçüncüsü alətin uc tərəfidir. Bu üç hissə, üç mərhələdə və hər mərhələdə üç dəfə olmaqla sıxılır ki, alətin daxilində olan sidik xaric olsun. Bundan sonra alətin uc tərəfi su ilə yuyulur. Beləcə, istibra edib özünü yuyan insanın alətindən, özünü yuyandan sonra nəsə şübhəli rütubət xaric olsa bu rütubət sidik hökmündə deyil və pakdır.
Sual: Sualı ünvanladı Mübariz: Salam.mən Sistani ağanın müqəllidiyəm. bilmək istəyirəm ki, Sistani ağanın "mihacus salihin" kitabının 2-ci cildində ağa buyurub ki, "ədalətlinə yəqinin olmayan pişnamaza iqtida edə bilməzsən"? bu fətva "mihacus salihin" kitabının 2-ci cildində qeyd olunur?
Cavab: Salam. Mihacus-salihin kitabının 2-ci cildində siz deyən məsələ ilə rastlaşılmadı. Amma Ayətullah Sistaninin dəftərxanasından bildirdilər ki, ədalətinə yəqinin olmayan pişnamaza iqtida etmək düzgün deyil.
Sual: Sualı ünvanladı Altun: Salam. Mensheyini bilmediyimiz ( yeni hansi heyvana aid oldugunu bilmediyimiz) bel kemerini taxib namaz qilmaq olar?..
Cavab: Salam. Əgər həmin bel kəmərini müsəlman bazarından alıbsınızsa və onu hansısa kafir ölkəsinin istehsalı olduğu sizə sübut olunmursa (yəni məsələn üstündə Çin istehsalıyazılmayıbsa) onda həmin kəmərdən istifadə etmək olar.
Sual: Sualı ünvanladı Men: Salam Eleykum,namazda herfi sehv deyilse secdeyi-sehv edilmelidir?Namazda sachin bir hissesi görunse,amma bunu namazdan sonra bilsek,namaz tezelenmelidir?
Cavab: Salam. Namazda sözlərin hər hansı birini səhv deyən həmin sözü təkrarlayıb düzgün desin. Əgər artıq rukuya gedibsə və sözü düzəltməyin məqamı arxada qalıbsa onda namaz düzgündür və səcdeyi-səhvə ehtiyac yoxdur.

Bilmədən namazda görünən saçın eybi yoxdur və namaz düzgündür.
Sual: Sualı ünvanladı (Adsız): Salam Eleykum,hökmleri dine esaslanmayan dünyevi,mehkemeye müraciet etmek olar?onlarin verdiyi hökmlere riayet etmemek günah sayilir? ALLAH razi olsun.
Cavab: Salam. Bəli müraciət etmək olar və onların məsləhətə uyğun olmayan hökmlərinə itaətsizlik etməyin eybi yoxdur.
Sual: Sualı ünvanladı Mahir: GUNDE NEÇE DEFE NAMAZ QİLİRLAR?
Cavab: Salam. Sübh, Zöhr, Əsr, Şam, Xüftən.
Sual: Sualı ünvanladı Xeyale: salamun aleykum..bilmek isterdim qawlarini alan qadin hicabi ele ortmelidirki qawlari gorunmesin?
Cavab: Salam. Qaşı iki cür almaq olur:

1-Qaş çox kobud və qalındır və adi gözlə baxanda eybəcərlik nişanəsi kimi görünür. Belə qaşı islah edib adi qaş halına saldıqda bu zinət sayılmır və onu örtmək lazım deyil.

2-.Qaş normal qaşdır və ona eybəcər qaş deyilmir və onu almaqda məqsəd daha da gözəl görünməkdir.Bu formada alınan qaş zinətdir və onu örtmək vacibdir.
Sual: Sualı ünvanladı Altun: Salam. Qafqaz muselmanlari Idaresinin verdiyi namaz vaxtlari ile Binede azan verilmir. Azan gosterilen vaxtdan tez verilir.. 15 deqiqe tez ... Men hansina gore hereket etmeliyem.. Xahish edirem tez cavablayasiniz.. Bir deki indiyene qeder Binedeki azana gore qilmisham.. Namazim qezaya qalib ya qebul olub???
Cavab: Salam. Binə məscidində olan dindarlarla söhbət edib yəqinə çatın ki, onların namaz vaxtı düzgündür. Əgər onlarla söhbət edib yəqinə çata bilməsəniz onda digər yerlərdən namazın dəqiq vaxtını əldə edin. Əgər bu da mümkün olmasa onda ehtiyata əsasən Qafqaz müsəlmanları idarəsinin təyin etdiyi vaxtdan sonra namaz qılın ki, hər iki azanla namazınız düzgün olsun.
Sual: Sualı ünvanladı Fatime: Salam Eleykum,Xamanei aqanin seriet hökmleri barede az-diline tercüme edilen tek kitab istiftaatdir yoxsa bashqa kitab da var? ALLAH razi olsun.
Cavab: Salam. Bizim məlumatımıza əsasən şəriət hökümləri barəsində tərcümə olan yeganə kitab İstiftaardır.
Sual: Sualı ünvanladı Vahid: Salam.Sehv etmiremse bele bir hedis var ki Hz.Eli deyib ki bir meni sevmeyenler cehennemlikdi bir de meni Allaha beraber edenler yeni ilahiyyelesdirenler.Bu hedis sehihdi?Heqiqeten de bugunku gunde HZ.Elini ilahiyyelesdirenler var .Hansi ki Azerbaycanda 5 Barmaq deyilen bir yer var ve HZ.Elini ilahiyyelesdirenler deyirler ki bu daqi Hz.Eli oz qilinci ile vurub 2 yere bolub.Umumiyyetle bu 5 barmaq daqi haqqinda ne melumativiz var?
Cavab: Salam. Həzrət Əli (ə)-dan belə bir hədir var ki, o Həzrət barəsində iki dəstə xətaya düçar olub. Birinci dəstə Əliallahçılardır onlar Həzrət Əli (ə)-ı Allah bilir, ikinci dəstə isə Həzrət Əli (ə)-ı kiçik sayıb onun haqqına girib. Misal üçün peyğəmbərdən sonra xilafətin o Həzrətə çatmasına mane olanlar.

Beş barmaq dağı haqqında isə bizim hər hansı bir məlumatımız yoxdur.
Sual: Sualı ünvanladı Nahid: Salam.Mecidlerde 5 barmaqdan ibaret olan el var sizler de gormusunuz.Peyqember bize Quran ve Ehli beyti emanet qoyub gedib.Bu hedislerden de bele bellidi.Bu eldeki barmaqlarin menasi budu-Quran,Hz.Eli,Hz.Fatime,HZ.Huseyn,Hz.Huseyn.Her bir barmaq bu menalari dasiyir?
Cavab: Salam. Xeyr, sizin bildiyiniz mənada deyil. Ələm Kərbəla hadisəsində İmam Hüseyinin (ə) qardaşı Həzrət Əbülfəzlin (ə) əlində olan bayrağın rəmzidir. Amma onda olan 5 barmağın 5 məsuma yəni Həzrəti Peyğəmbər (s), İmam Əli (ə), Xanım Fatimə (s), İmam Həsən (ə) və İmam Hüseyn (ə)-a işarə olub olmaması barəsində dəqiq məlumatımız yoxdur.
Sual: Sualı ünvanladı Nahid: Salam.Bir gun mecidde dediler ki Fransa hokumeti coca cola ickisinde spirt askar edibler ve sirketi mehkemeye veribler.Dediler ki deqiq melumatdi cunki Fransa hokumeti muselman olkesi deyil qeyri muselman olkesidi ve hec bir menevi maraqi yoxdu.Deyildi ki coca cola mehsullari icmeyin.BIzde ise coca colanin ozunden basqa coca cola sirketinin meyve sulari da var.Hemin meyve sularini icmek olar?
Cavab: Salam. Əgər yəqinə çatsanız ki, onların tərkibində spirt var içməyin.
Sual: Sualı ünvanladı Fatime: Salam Eleykum.Bir insan teqlid etdiyi müctehidin risalesinde tapa bilmediyi meseleler haqda bashqa müctehide müraciet ede bilermi?ede bilmezse,hemin emeller batil sayilirmi? ALLAH razi olsun.
Cavab: Salam. Təqlid etdiyiniz müctehidin risaləsində olmayan məsələni bizim saytın vasitəsi ilə həmin müctehidin dəftərxanasından əldə edə bilərsiniz. Heç bir səbəb olmadan digər müctehidin risaləsinə keçmək olmaz.
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı