www.Cavab-al.com

Suallarınıza mərcei-təqlidlərin dəftərxanalarından cavab alınır!

Risalələr
Şəri sual göndər
Ümumi sual göndər
Sual: Salam. Hicab istifadə etməyən qadının şəklini kiməsə göndərməyin hökmü nədir? məsələn - mən əgər internetdə qadın köynəyi satmaq istəsəm və internetdə köynək satışa qoyulanda qadının əynində olur. Əlbəttə sayta daxil olub köynəyə baxan şəxslər o qadını da görmüş olurlar.
Cavab: Salam. Ayətullah Vəhid Xorasani-dəftərxana:

Əgər bu iş şəhvətin təhrik olmasına və ya fəsada səbəb olarsa haramdır.

Təşəkkürlər.
Sual: Salam aleyküm sualım belədir bir mescidde kişiler bayram namazina getmir bu zaman qadınlar bayram namazını məsciddə qıla bilərmi ?
Cavab: Salam. Ayətullah Sistani-dəftərxana:

Bəli, qadınların bayram namazını məsciddə qılmasının bir eybi yoxdur.

Təşəkkürlər.
Sual: Salam Ağam. Bu sualıma görə üzr istəyirəm. Bunu cinsi əlaqənin şərtlərində oxumuşdum dəqiq bilmək istəyirəm. Er arvad arasında cinsi əlaqə zamanı qadın kişinin ehtiyacını hansı bədən üzvləri ilə qarşılayır(və ya kişi qadının)? Yəni Kişinin qadının sinəsinə yaxınlığı haramdırmı?
Cavab: Salam. Ayətullah Xameneyi-dəftərxana:

Əgər hər iki tərəfin razılığı varsa kişi və xanım istədikləri kimi bir-birlərinin cinsi ehtiyaclarını qarşılaya bilərlər. Və kişi ilə qadının sualda qeyd etdiyinz formada münasibətdə olması da haram deyildir.

Təşəkkürlər.
Sual: Salam mənim bir sualım var deyirlər bu paltaryuyan maşına nəcis bir sey də atsan pak edir ammaki mən paltar yuyarkən maşınlara fikir vermişəm paltarı fırladarkən şüşəsinin yuxarı hissəsinə su sıçrayır ammaki ora tam su dəymir paltar maşının şüşəsinə dəysə belə o paltar pak olur? Çunki dediyim kimi diqqət yetirmişəm bütün paltaryuyanlar belədir
Cavab: Salam. Ayətullah Sistani-dəftərxana:

Nəcisə bulaşmış paltarı avtomatik paltaryuyan maşınla yuduqda paklanır.

Amma siz hər hansı bir yerin nəcis olduğunu, sonra da oranın paklanmadığına yəqininiz varsa və paltar da həmin yerə toxunarsa, paltar da nəcis olacaqdır.

Təşəkkürlər.
Sual: Salam aleykum. Universitete qəbul olmaq üçün biz qəbul imtahanı veririk. İmtahanda başqasına kömək etmek və ya kimdənsə kömək almaq olarmı? Bilmədiyimiz sualı soruşanda kiminse haqqına giririk? Meselen bilmədiyimi soruşsam yaxşı universitete oxuyub yaxşı muellim ola bilerem. Amma kimese haqsızlıq etmiş sayılmıram ki?
Cavab: Salam. Ayətullah Xameneyi-dəftərxana:

Bu iş haramdır. Və başqalarının haqqına girmək sayılır.

Təşəkkürlər.
Sual: MEN İSTİBRA ELEYENNEN SONRA CİNSİ UZVUN BAŞINDA BİR DAMCI SU GORUREM BU HAL HEMİŞE BAŞ VERİR NE ETMELİYEM
Cavab: Salam. Ayətullah Xameneyi-dəftərxana:

İstibra etdikdən sonra xaric olan rütubətin(mayenin) nəcis və ya pak olmasında şəkk edərsinizsə, bu maye pakdır. Dəstəmaz və ya quslu da batil etmir.

Təşəkkürlər.
Sual: Salam əleyküm dəstəmaz alarkən əllərimizi yuyub sonra dəstəmaz alırıq bu zaman su qolumuza bilənglərimizə sıçrayır yaş qolnan dəstamaz alsaq dəstəmaz düzgün sayılır?
Cavab: Salam. Ayətullah Xameneyi-dəftərxana:

Dəstəmaz alarkən(dəstəmazdan öncə) dəstəmaz üzüvlərinin yaş olması dəstəmazı batil etmir.

Yalnız başa və ayaqlara məsh çəkərkən məsh üzüvlərinin quru olması şərtdir.

Təşəkkürlər.
Sual: Mezi nedir qadina qüsl ne zaman vacibdir
Cavab: Salam. Ayətullah Xameneyi-dəftərxana:

Şəhvət hissinin təhrik olunmasından sonra insandan xaric olan maye məzi adlanır və pakdır.

Sperma xaric olduqdan sonra(hətta cinsi əlaqə baş vermədən də bu hal baş verərsə) və həmçinin cinsi əlaqədə olduqdan sonra(hətta sperma xaric olmasa da) qadının boynuna cənabət quslu gəlir.

Təşəkkürlər.
Sual: Əssalamun aleykum. Mənim sualım budur ki, Azərbaycanda olan Məscidlərdə və bəzi dini məkanlarda qoyulan ələmin Müqəddəs İslam dini ilə nə əlaqəsi var? Və ən əsası isə bəzi dindarlar ələmin coşub uça biləcək qədər xurafat halında təbliğ də edirlər. Çox xahiş edirəm ki bu mövzuda açıqlama verərsiniz. Allah c.c hər birinizə cansağlığı versin inşallah
Cavab: Salam. Ayətullah Xameneyi-dəftərxana:

Ələm İmam Hüseyn(ə)-ın əza və matəm simvolu sayılır, dini məkanlarda və əza məclislərində ələmdən istifadə etməyin bir eybi yoxdur. Amma ələmin cuşa gəlməsi, uçması kimi fikirlərin heç bir əsası yoxdur və xurafatdır.

Təşəkkürlər.
Sual: Salam.cənabətdən sonra təyəmmüm almağa şərait var ancaq hər gün və ya gündə bir neçə dəfə qüsl alınması,isti su problemleri,soyuq havalarda xəstələnmək,saçları hər gün və ya bir neçə dəfə yumaq tökülmə problemleri və məşəqqətli olduğuna görə və bu kimi bir sıra problemlere görə təyəmmüm almağa icazə verilir?bunun hökmü necədir?
Cavab: Salam. Ayətullah Xameneyi-dəftətxana:

Əgər suyun bədənə zərəri olarsa, vaxtın azlığı və ya xəstələnmək kimi problemlər olarsa qusl əvəzi təyəmmüm etmək olar.

Amma saç tökülməsi və ya isti su hazırlamaqda qabağa gələn cüzi çətinliklər qusl əvəzinə təyəmmüm almaq üçün səbəb sayılmaz.

Bu məsələdə daha geniş məlumat əldə etmək üçün risaləyə müraciət edin.

Təşəkkürlər.
Sual: salam.keçmişdə bilməməzlik üzündən cənabət qüslu əvəzi hər namaz üçün təyəmmüm etməyib dəstəmaz alıb namaz qılmışam.təyəmmümü yalnız 1 dəfə alırdım.və həm də 1ci təyəmmümdən sonra yenidən dəstəmaz alırdım.bunların hökmü necədir?namazlarımı yenidən qəza qılmalıyam?
Cavab: Salam. Ayətullah Xameneyi-dəftərxana:

Əgər vəzifəniz cənabət quslu əvəzi təyəmmüm almaq olubsa(yəni müəyyən üzürlü səbəblərə görə qusl ala bilməmisinizsə) bu zaman təyəmmümdən sonra dəstəmaz almağa ehtiyac yoxdur. Və hətta bilməyərəkdən dəstəmaz da almış olsanız yenə də qıldığınız namaz doğrudur.

Əgər cənabət quslu əvəzinə təyəmmümdən sonra dəstəmazı pozan bir hal baş verərsə bu zaman(qusl almaq üçün üzr aradan qalxmayıbsa) ehtiyat vacibə əsasən yerinə yetirilməsi üçün təharətin şərt olduğu işlərdən(məsələn: namaz, oruc...) ötrü yenidən cənabət quslu əvəzinə təyəmmüm etməli və dəstəmaz da almalısınız.

Təşəkkürlər.
Sual: salam.uşaq dogulandan 18 yaşına qədər ona qurban kəsmək vacibdir?eşitdiyimə görə belə bir vacib əməl var.
Cavab: Salam. Ayətullah Xameneyi-dəftərxana:

Xeyir, belə bir vacib əməl yoxdur.

Təşəkkürlər.
Sual: Salam Kəbini oxumuş nişanlı bir xanım atasının icazəsi ilə evdən çıxarsa və nişanlısına xəbər verməzsə günah etmiş sayılır?
Cavab: Salam. Ayətullah Xamenei-dəftərxana:

Xeyir, günah sayılmaz.

Təşəkkürlər.
Sual: Salam 1. Evli kişi dəfələrlə zina edib, ailəsinə xəyanət edirsə bunun höknü nədir və qadının üzərinə düşın nədir (12 il evlilik kişi dindən uzaqdlq qadın isə hicabıbda namazında) 2. Ailənin xümsü kimin boynunadır, kişi xüms çıxarmırsa qadın nə etməlidir ? 3. Ailədə kişinin qazandığı pulun halallına haram qarışlbsa qadın və uşaqlar nə etməlidirlər? Əlavə gəlir yoxdur
Cavab: Salam. Ayətullah Sistani-dəftərxana:

1-Əgər kişi zina edərək günah edirsə bu halda onun xanımı məsuliyyət daşımır. Xanım onu pislikdən çəkinməkdən ötrü nəsihət edə bilər.

2-Pulu kişi qazanırsa xumsu da o çıxarmalıdır. Əgər kişi xums çıxartmırsa bu zaman qadının boynuna kişinin qazancı ilə bağlı bir vəzifə gəlmir. Xanım da o puldan istifadə edərsə haram sayılmaz.

3-Bu halda qadın və uşaqların boynuna bu pulla bağlı bir vəzifə gəlmir. Bu pula kişi cavabdehdir.

Təşəkkürlər.
Sual: Üzr istayiram kişi öz qadinin agzi ila cinsi alaqada ola bilar
Cavab: Salam. Ayətullah Sistani-dəftərxana:

Əgər qadın bu işə razı olarsa haram deyildir. Amma spermanı udmaq haramdır.

Təşəkkürlər.
Sual: Salam. Evli bir kisi 2-ci defe evlendikde 1-ci xanimindan icaze ve ya halalliq almalidirmi? 2-ci yoldasina bunu bildirmelidirmi
Cavab: Salam. Ayətullah Sistani-dəftərxana:

Xeyir, bu işdə birinci xanımdan icazə və ya halallıq almaq vacib deyildir.

Amma ikinci xanım birinci xanımın qardaşı qızı və ya bacısı qızı olarsa, bu zaman kişi ikinci xanımla evlənmək üçün birinci xanımdan icazə almalıdır. Həmçinin əgər kişi, kitab əhli(məsələn: xristiyan) bir xanımla müvəqqəti əqd bağlayarsa gərək birinci xanımdan icazə alsın.

Təşəkkürlər.
Sual: Etiqad nə deməkdir Əvvəlcədən təşəkkürlər
Cavab: Salam. Ayətullah Xamenei-dəftərxana:

Üzürlü sayın biz yalnız əhkamla bağlı suallara cavab veririk.

Təşəkkürlər.
Sual: Salam.sədəqə pulundan din yolunda maarifləndirici işlərə və ehsanlara kömək məqsədilə istifadə etmək olarmı?
Cavab: Salam. Ayətullah Xamnei-dəftərxana:

Əgər müstəhəb sədəqədirsə, sualda qeyd edilən yerlərə xərcləmək olar.

Təşəkkürlər.
Sual: Salam.heyzli halda Quran oxuyarkən hərflərə toxunmaq olarmı?Ümumiyyətlə hərflərə toxunmağın hökmü necədir?
Cavab: Salam. Ayətullah Xamnei-dəftərxana:

Xeyir , heyizli halda Quranın hərflərinə toxunmaq haramdır.

Ümumiyyətlə insanın boynunda qüsl olmazsa, dəstəmazlı halda Quranın hərflərinə toxuna bilər.

Təşəkkürlər.
Sual: Broyler toyuqunun kəsim vaxtı bismillah deyilib deyilmediyini bilmediyimiz zaman ama uzərində halal yazısı olan toyuq halaldirmi?
Cavab: Salam. Ayətullah Sistani-dəftərxana:

Əgər üzərində yazılan "halal" kəlməsindən həqiqətən də kəsimin şəri qaydalara uyğun olduğuna xatircəmlik hasil olarsa o ətdən yemək olar.

Təşəkkürlər.
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı