www.Cavab-al.com

Suallarınıza mərcei-təqlidlərin dəftərxanalarından cavab alınır! Cavab E-maila da göndərilir!

Risalələr
Şəri sual göndər
Ümumi sual göndər
Sual: Sualı ünvanladı Günahkar bəndə: Salam Aleykum! Bir kes her gun 22,5 km cox mesafe qet edib Sumqayitdan Bakiya derse gelir ve gunorta azaninda Bakida olur o sexsin gunorta namazi musafir namazi sayilir? Gec gedib catdigindan gunorta namazi qeza olur, musafir namazi niyyetile qilmalidi qezasin? Allah sizden razi olsun!!!
Cavab: Salam. Həmin fərd bu işi demək olar ki hər gün təkrarladığı üçün həmişəsəfər hökmündədir. Və o elə Bakıda olarkən (baxmayaraq səfər məsafəsini qət edib) namazını tam qılmalıdır. Yəni müsafir namazı qılmamalıdır.
Sual: Sualı ünvanladı Günahkar bəndə: Salam Aleykum. Kitaba xums dusur, alinib lakin bezileri hec oxunmayib, dini ya da dunyavi ferqi var?
Cavab: Salam. Əgər həmin kitabları oxumalısınızsa, yəni o kitablar sizə lazımlıdırsa və həmin kitablar sizin şəninizdən yuxarı deyilsə xüms yoxdur. Yox əgər bunun əksi olduqda kitablara xüms düşür.

Ayətullah Fazil
Sual: Sualı ünvanladı Şamil: Maharram va Safar aylarinda haramdan uzaq olaraq izdivac [toy] etmak olar?
Cavab: Salam. Bəli, olar!
Sual: Sualı ünvanladı (ad yazılmayıb): Salam Eleykum,qeza oruclari ardicil 30 gun tutmaq lazimdir?.Niyyet ne zaman edilir?bawi suya salmaq batil edir,bes bawi yumaq da buna aiddir?axi su bawin her terefine tökülür Allah razi olsun
Cavab: Salam. Ardıcıl tutmasaz da olar.

Niyyət orucu tutmamışdan öncə edilir.

Başı bilərəkdən suya batırmaq orucu batil edir.

Başı yumaq buna aid deyil, baxmayaraq ki su başın hər tərəfinə tökülür. Hər tərəfə tökülmək- batmaqla eyni deyil.
Sual: Sualı ünavanladı İzmir: salam biz internetclub isledirik. burda musteriler iki nefer bir-biri ile iqra oynayir (mes:futbol iqrasi) ve kim iqrada uduzarsa oda oynadiqlari vaxtin pulunu verir.bu qumar hesab olunurmu? musterinin bize verdiyi pul haram pul sayilirmi?
Cavab: Salam. Bu iş qumar sayılır və sizin də uduzan kəsdən pulu almanız düz deyil. Bu pul işğallı puldur.
Sual: Sualı ünvanladı (ad yazılmayıb) : Salam Eleykum.Xamanei aqanin istiftaatinda ruhu olan varliqlarin űzünün resmin chekmek cixintili olmazsa olar,bilmek īstediyim burada üzvlerin kamil chekilmemesi nezerde tutulub yoxsa üzün cizgilerinin
Cavab: Salam. Burada çəkilmək qeydsiz deyilir. Yəni kamil çəkilmək nəzərdə tutulur.
Sual: Saulı ünvanladı Əsgər: esselamun eleykum men azerbaycanda yawayan 18 yawinda bir oqlanam sualim budur? fizika ve riyaziyyat kitablarini oxumaq ve ya mecidde oxumaq olar indiden saqolun ALLAH razi olsun cavabi sebirsizlikle gozluyurem.
Cavab: Salam: Əgər məsciddə bu kitabı oxumaqla ibadətə mane törətməsəniz, eybi yoxdur.
Sual: Sualı ünvanladı Günahkar bəndə: Salam Aleykum ! bilmek isterdim Ayetullah Sistanin bele bir hokumu varmi: qadinlar Azerbaycanda cadra atmasin.... Indiden tesekkurler. Xais edirem tez cavab yazasuz.
Cavab: Salam. Ayətullah Sistaninin dəftərxanası ilə əlaqə saxladıq, bizə dedilər ki, o həzrət belə bir söz buyurmayıb.
Sual: Sualı ünvanladı Fatimə: Salam Eleykum,shahmat,nerd,damino qumar oyunlaridir?haramdir?
Cavab: Salam. Şahmat idman oyunu sayılır və oynamaq olar.

Amma digər sadaladığınız oyun alətləri barəsində özünüz, öz məmləkətinizə baxıb qəzavət etməlisiniz. Əgər qumar aləti kimi tanınırsa onda haramdır. Əks təqdirdə isə halaldır.
Sual: Sualı ünvanladı Leman: Salam Eleykum,bes Xamanei aqanin ofisine xumsu nece chatdirmaq olur,Onun Bakida ve ya bölgelerde xumsu almaq uchun numayendeleri var?
Cavab: Salam. Biz hansısa nümayəndənin olub-olmamasını bilmirik.

Amma Bakıda İran Milli Bankı var. Biz sizə Bank hesabı verə bilərik. Siz xümsü həmin Bank hesabına köçürsəniz biz onu Ayətullah Xamneinin dəftərxanasına çatdıra bilərik. Dəftərxana həmin ödənişin müqabilində bizə sizin adınıza qeyd olunmuş faktor verəcək və biz həmin faktorun sürətini sizin e-mail adresə göndərə bilərik.
Sual: Sualı ünvanladı Gunahkar Bende: Salam Aleykum. Rusvet vermek haramdir,mecburiyetden olsa bele?
Cavab: Salam. Rüşvət vermək haramdır, amma hardasa siz məcbursunuzsa onda rüşvət verə bilərsiniz. Amma rüşvəti sizdən alan kəsə bu pul haramdır.
Sual: Sualı ünvanladı Fərəc: Salam aleykum, dinde musiqi tam wekilde haramdir yoxsa bezi istisnalar var ? risalelerde yazilib istisnalar, amma bezileri deyir tam wekilde haramdi hetta Boyuk Gunahlar kitabinin 2-ci cildinde musiqi aletinin padvalda saxlanmasi bele haramdi. meni cawbaw qoyan budur ki, muctehidler istisna yazir amma o kitab tam wekilde yazir
Cavab: Salam. Dində kiməsə təqlid olunduqda, gərək fərd özü hədislərdən nəticə istixrac etməsin. Yəni siz həmin kitabda bu mövzuda beş hədis görmüsünüzsə, mərcei-təqlid bu mövzuda olan bütün hədisləri araşdırıb fətva verib. Siz belə hədis görəndə həmin hədisləri, mərcei-təqlidlərin haram buyurduğu musiqilər barəsində olduğunu fərz edin. Əgər bir musiqi aləti lənətlənibsə belə, haram istifadə üçün lənətlənib.



Misal üçün adam öldürmək günahdır və adam öldürən edama məhkumdur deyildikdə batil ölümlər nəzərda tutulur. Bu o demək deyil ki, bütün öldürənlər qatildir. Dində savab ölümlər də var. Misal üçün İmam Əlinin (ə) döyüşlərdə cəhannəmə vasil etdiyi kəslərin barəsində olan ölüm savab ölümdür.

Nəticə: Dində ölüm pisləniləndə haqsız ölüm nəzərdə tutulur. Musiqi də pisləndikdə, haram musiqi nəzərdə tutulur.



Siz adını qeyd etdiyiniz kitabda haram musiqilər barəsində olan rəvayətlərdən bir neçəsi toplanıb.
Sual: Sualı ünvanladı (ad yazılmayıb): Salam Aleykum.Menim iwim ancaq mawinla yuk aparmaqdi,ozumde moskvada iwleyirem.Burda gunduzler qisadi deyene ,Namazlarimi ( zohr ve esri ) mawinda gede-gede qiliram.Yollarda txaclar var deyene catdira bilmirem,Xahiw edirem suallarimi cavablandirasiz .ALLAH razi olsun
Cavab: Salam. Siz bu işə məcbursunuzsa, onda eybi yoxdur.
Sual: Sualı ünvanladı Ləman: Salam Eleykum,qadin idde muddetin ne qeder gözlemelidir?mutleq heyat yoldasinin evinde gözlemelidir?bu mumkun olmasa nece?
Cavab: Salam. Qadın iddə müddətini 3 dəfə qan görmək (heyz, aybaşı) müddətində gözləməlidir. Bu müddəti o ərinin evində olmadan da gözləyə bilər.
Sual: Sualı ünvanladı Ləman: Salam Eleykum,xums kimlere verilir?ehtiyaci olana vermek olar? ALLAH razi olsun.
Cavab: Salam. Xüms iki yerə bölünür. Məsələn 200 manatdırsa, yarısı, yəni 100 manatı imkanı olmayan Seyyidlərə, yarısı isə, yəni yerdə qalan 100 manatı dinin təbliğində lazım olan yerlərə sərf olunmalıdır. Ayətullah Xamneinin nəzərinə əsasən hər iki işi müctehid görməlidir. Şəxsin vəzifəsi budur ki, xümsü müctehidin dəftərxanasına (ofisinə) çatdırsın və ödənişi sübut edən faktoru (qəbul olunan məbləğ qeyd olunan və məbləgin alındığı üçün möhürlənən kağızı) dəftərdən alsın.
Sual: Sualı ünvanladı Ali: qusulun nece novu var
Cavab: Salam. Qüslün 7 növü var:

1-Meyit qüslü

2-Meyidə toxunan kəsə vacib olan, məssi-meyid qüslü

3-Cənabət qüslü

4-Heyz qüslü

5-İstihazə qüslü

6-Nifas qüslü

7-Kimsə nəzr edir ki, filan iş olsa qüsl verərəm-Nəzr qüslü
Sual: Sualı ünvanladı Müşviq: ASSALAMALEYKUM, Bela bir sual var IMAM HUSEYN BILIRDIKI MUHARRAM AYINDA GAN TOKMAK OLMAZ NIYE BILE -BILE KETDI DOYUSE
Cavab: Salam. İmam Hüseyn (ə) Məhərrəm ayında qan tökmək üçün yola çıxmamışdı. İmam Hüseynə (ə) Kufə əhli məktub yazıb onu Kufayə dəvət etmişdi. Amma onlar qorxudan öz dəvətlərinin üstə durmadılar və vədə xilaf çıxdılar. Bunu görən düşmən İmam Hüseynin (ə) dəstəsinə tərəf hücum etdi. Burada, qan tökən İmam Hüseyn (ə) yox onun düşmənləri idi.
Sual: Sualı ünvanladı Zərrin: Salam. Men hicabli deyilem,amma qapali geyinirem. Bu mene gunahdir? Cavablandirsaniz,sevinerem.
Cavab: Salam. Qapalı geyinmək deyəndə, əslində siz demək istəyirsiniz ki, açıq-saçıq geyinmirsiniz. Bu çox yaxşıdır və Allahın lütfü sizin halınıza şamil olasıdır. Bu açıq-saçıq geyinməmək sizin iffətli xanım olmanıza sübutdur. İnşallah bir gün Allah sizin qəlbinizdə hicaba məhəbbət yaradar və siz hicablı xanım olmaqla Xanım Zəhranın (ə) qəlbini şad edərsiz, İnşallah!
Sual: Sualı ünvanladı Xəyalə: Salam Namaz qilarken necedefe ALLAHU EKBER demek vacibdir? Zehmet olmasa cavabini yazin. Cox sagolun.
Cavab: Salam. Namaz qılarkən, yəni namaza başlayan an bir dəfə Allahu-əkbər deyilməlidir. İki dəfə demək olmaz.
Sual: Sualı ünvanladı Fidan: Salam Eleykum,gözellik salonda ishlemek günahdir?orda bezenen qadinlar namehrem görür
Cavab: Salam. Bəli belə bir yerdə işləməniz günahdır və bu işdən çəkinməlisiz. Amma elə bir gözəllik salonu olsa ki, ora gələn xanımlar bəzənəndən sonra onları naməhrəm görmür, (məsələn bəzənəndən sonra üzünü örtür) onda belə salonda işləmək olar.

Ayətullah Xamneinin dəftərxanası
Saytlar
Ayətullah Xameneinin rəsmi saytı Ayətullah Sistaninin rəsmi saytı Ayətullah Məkarimin rəsmi saytı Ayətullah Vəhidin rəsmi saytı Ayətullah Fazilin rəsmi saytı Ayətullah Behcətin rəsmi saytı